/93/
EXERCITATIO XIII
Adversus Protagoram probat Deum non
esse auctorem peccati.
Impios atque sacrilegos hos Atheorum
tumultus et fremitus nihili facientes
Christianorum animi, in schola Spiritus enutriti,
asserunt orbem a Deo regi et temperari;
scelerum tamen et vitiorum auctorem
Deum non agnoscunt.
Prima conclusionis pars non indiget nostra
probatione. Genuina Protagorae confessio
sufficit: «Si Deus ‑ inquit ‑ non est, unde igitur
bona?».
Secunda vero pars probatur ex multis.
Primo. Secundum Protagoram bona omnia
a Deo emanant; nulla igitur mala. Consequentia
probatur quia, cum haec duo ex diametro
sibi opponantur, diversum agnoscant
auctorem necesse est, quare asserere bona
et mala a Deo provenire non minus absurdum
duco quam dicere dulce et amarum
ex eodem fonte profluere.
Secundo. Deus est summum ens et bonum
igitur, quippe ex Aristotele haec duo convertuntur.
A summo autem bono non provenit
malum, nec enim id habet, si summum
Indice
|
Pagine introduttive |
|
EXERCITATIONES |